Eron termasi va «Rubin» klubi hujumchisi Sardor Azmun RT nashriga intervyu berdi. Suhbat chog‘ida u ko‘p narsalar haqida gapirib o‘tdi.
Shu o‘rinda aytish joizki, Azmun Eron milliy jamoasi safida ajoyib natija qayd etmoqda. Endigina 22 yoshga kirgan futbolchi terma safida 30ta o‘yin o‘tkazib, raqiblar darvozasini 22 marta ishg‘ol qildi.
E’tiborli tomoni, u gollarining yarmini JCH-2018 saralash bahslarida urishga erishdi.
— Eron termasi JCH-2018 yo‘llanmasini birinchilardan bo‘lib qo‘lga kiritdi. Siz va jamoadoshlaringiz Rossiyada qanday hissiyotlar bilan maydonga tushasizlar?
— Hamma futbolchiga ham jahon chempionatida o‘ynash nasib etavermaydi. Turnirning final bosqichiga chiqishning o‘zi katta yutuq. Mening asosiy maqsadim, terma jamoaning guruh bosqichida muvaffaqiyatli ishtirok etishini ta’minlash.
— Rossiyada anchadan buyon istiqomat qilasiz. Mundialga kelmoqchi bo‘lgan eronlik muxlislarga qanday maslahatlar berasiz?
— Kelgach, mamlakatingiz bilan yaxshilab tanishib olishlarini istardim. Ishonchim komil, hamyurtlarimning aksariyati rus madaniyati, mintaqalardagi mahalliy urf-odatlardan zavq olishadi. Shuningdek, Rossiyada bir-biridan chiroyli shaharlar bor.
— Sizni «eronlik Messi» deyishadi. O‘zingiz esa Zlatan Ibragimovichning muxlisisiz. Nima uchun aynan shvedni tanlagansiz?
— Meni nima sababdan Messiga taqqoslashlarini bilmayman. U bilan o‘yin uslubimiz umuman boshqacha. Zlatan esa kumirim. Ibragimovichdek yuqori saviyada o‘ynashni istayman.
— Terma safida 30 uchrashuvda 22ta to‘p kiritdingiz. Nima uchun klubda to‘purarlik qobilyatingizni namoyish qila olmayapsiz?
— Milliy jamoa bilan klubning farqi bor. Ayniqsa, ehtiros borasida.
— Ko‘pchilikning aytishicha, siz «Rubin»dan «Rostov»ga, keyinchalik «Rostov»dan «Rubin»ga Qurbon Berdiyev tufayli o‘tgan ekansiz. Bundan ko‘rinib turibdiki, hammadan ko‘ra ko‘proq unga ishonasiz. Shundaymi?
— Ha, unga ishonchim yuqori.
— U bilan «Rubin»da ishlash yoqyaptimi?
— Ayni payt Qurbon Bekiyevich Rossiyaning eng malakali murabbiylaridan biridir. Qozonda uni barcha hurmat qiladi. Berdiyev ajoyib inson.
— Qozonda sizga ko‘proq nima yetishmaydi?
— Do‘stlarim. Ularning deyarli barchasi Eronda qolgan. Rossiyada yangi tanishlar orttirdim. Lekin avvalgilarini unutmadim. Ular bilan ko‘proq ko‘rishib turishni istardim.
— Aytishlaricha, birdaniga 25-30 nafar do‘stingiz mehmonga kelar ekan. Birgalikda vaqtingizni qanday o‘tkazasiz?
— Bu raqamlar oshirib ko‘rsatilgan. Aslida esa, ancha oz. Katta futbolga qadam qo‘yishdan oldin, ya’ni 17 yoshimgacha bir qator yigitlar bilan do‘stlashganman.
Ularni haqiqiy do‘stlarim deb hisoblayman. Afsuski, ma’lum sabablarga ko‘ra, birodarlarning barchasi bilan tez-tez ko‘rishib turish imkoni yo‘q.
— Rossiyaga oilangiz bilan kelgansiz. Yaqinlaringizning qo‘llashlarini qanchalik his qilasiz? DAVOMI
