Kataloniyaning “Barselona” klubi hujumchisi Lionel Messi faoliyatini ona vatani Argentinadagi “Nyuells Old Boys” klubida davom etirishni istashini, lekin u yerga notinchlik sabab qayta olmasligini aytib o‘tdi.

“Men uchun birinchi o‘rinda farzandlarimnnig tinchligi turadi, ulardan keyin men turaman.

Ko‘p marta faoliyatimni “Nyuells Old Boyz” klubida davom etirish niyatim borligini aytganman.

Ammo Argentinada yasash afsuski juda ham xavfli hisoblanadi. U yerda pul uchun tab tortmasdan o‘ldirib yuborishlari mumkin.

Farzandlarim xavfsiz joyda hayotdan zavq olib yashashlarini xoxlayman, ish esa men uchun ikkinchi o‘rinda”, - deydi Messi.

Eslatib o‘tamiz, Messi “Barselona” bilan 25 noyabr kuni  2021 yilgacha  shartnoma imzoladi.

Yangi kelishuvga ko‘ra Leoning transfer narxi 700 million yevroni tashkil qildi va dunyoda eng ko‘p maosh oladigan futbolchiga aylandi.

Messi yiliga 43 million yevro (oyiga 3,6 million, haftasiga 900 ming yevro) maosh oladi.

Ma’lumot uchun, Leo Messi 2000 yili Argentinaning “Nyuells Old Boys” klubidan “Barselona” yoshlar klubiga kelib qo‘shilgan.

Kataloniya klubining asosiy tarkibida 2004 yildan beri faoliyat olib bormoqda.

Shuningdek, Messi 5 marta Ispaniya chempioni, 4 marta Ispaniya kubogi sohibi va shuncha marta YECHL musobaqasi chempioni bo‘lgan.

Bundan tashqari 5 marta eng nufuzli sovrin “Oltin to‘p” egasiga aylangan.