"Arsenal" bosh murabbiyi Arsen Venger "Manchester Yunayted" - "Manchester Siti" uchrashuvidan so‘ng (1:2) murabbiylar va futbolchilar o‘rtasida kelib chiqqan mushtlashuv haqida fikr bildirdi.
"U yerda aniq nima bo‘lgan bilmayman. Kaata o‘yinlarda mag‘lubiyatni qabul qilish va raqib buni qanday nishonlayotganini kuzatish qiyin. Bu haqoratga o‘xshab tuyuladi.
Yaponiyada ishlaganimda sumo o‘yinlarirni tomosha qilganman bu sport turida kim yutganini aniqlash mushkul. G‘olib o‘z quvonchini raqibga namoyish qilmaydi. BU ularning madaniyatidan va bir-biriga hurmatidan darak beradi.
Buni qabul qilsak bo‘ladimi? Bunday deb o‘ylamayman, bu bizning madaniyatimizda yo‘q. Katta derbilarda bu uchrab turadi", - deydi Venger.
