Angliyaning “Liverpul” klubi darvozaboni Loris Karius “Vest Bromvich”ga qarshi uchrashuvda asosiy tarkibda maydonga tushishini kutmaganini aytdi.
“Vest Bromvich”ga qarshi o‘yinda ilk daqiqalardanoq maydonga tushishimni eshitib hayron qoldim. Murabbiy qarori menga g‘alati tuyuldi. Anchadan buyon APLda maydonga tushmayotgan edim. Bu albatta, juda yoqimli bo‘ldi. Qaysi jamoada bo‘lishingdan qat’iy nazar darvozabonlar o‘rtasida raqobat hech qachon so‘nmaydi. Agarda, xato qilsang asosiy tarkibda o‘z o‘rningni yo‘qotib qo‘yasan. O‘z o‘yinimni nazorat ostiga olib yanada kuchliroq bo‘lishga intilaman, qolganini esa murabbiy hal qiladi”, - deydi Karius.
Eslatib o‘tamiz, Yurgen Klopp YECHL musobaqasida Kariusni APLda esa Simon Minyoleni asosiy darvozabon sifatida ko‘rayotgandi. Loris uchun bu uchrashuv APLdagi birinchisi bo‘ldi.
