Англиянинг “Ливерпуль” клуби дарвозабони Лорис Кариус “Вест Бромвич”га қарши учрашувда асосий таркибда майдонга тушишини кутмаганини айтди.
“Вест Бромвич”га қарши ўйинда илк дақиқаларданоқ майдонга тушишимни эшитиб ҳайрон қолдим. Мураббий қарори менга ғалати туюлди. Анчадан буён АПЛда майдонга тушмаётган эдим. Бу албатта, жуда ёқимли бўлди. Қайси жамоада бўлишингдан қатъий назар дарвозабонлар ўртасида рақобат ҳеч қачон сўнмайди. Агарда, хато қилсанг асосий таркибда ўз ўрнингни йўқотиб қўясан. Ўз ўйинимни назорат остига олиб янада кучлироқ бўлишга интиламан, қолганини эса мураббий ҳал қилади”, - дейди Кариус.
Эслатиб ўтамиз, Юрген Клопп ЕЧЛ мусобақасида Кариусни АПЛда эса Симон Миньолени асосий дарвозабон сифатида кўраётганди. Лорис учун бу учрашув АПЛдаги биринчиси бўлди.
