Madridning “Real” klubi klublar o‘rtasidagi jahon chempioanti finalida Braziliyaning “Gremio” klubini 1:0 hisobida mag‘lubiyatga uchratdi va musobaqa g‘olibiga aylandi.

Gap shundaki, Madrid jamoasi ushbu musobaqa bosh sovrinini ketma-ket qo‘lga kiritgan ilk jamoaaga aylandi.

“Qirollik klubi” o‘tgan mavsum finalda Yaponiyaning “Kasima Antlers” jamoasidan ustun kelishgandi.

Ma’lumot uchun, so‘nggi marta Braziliyaning “San-Paulu” klubi 1992 va 1993-yillar qit’alararo kubok musobaqasida ikki marta chempionlikni rasmiylashtirgandi.

Shuningdek, “Real” klublar o‘rtasidagi jahon chempionatida g‘olib chiqish bo‘yicha eng asosiy raqibi “Barselona”ga yetib oldi.

Eslatib o‘tamiz, kataloniyaliklar ham mazkur musobaqada uch marta zafar quchishgan.