“Manchester Siti” klubida yordamchi murabbiy lavozimida ishlayotgan Mikel Arteta kelajakda “Arsenal” bosh murabbiyiga aylanishi mumkin. London klubi rahbariyati hozirdan Arsen Venger o‘rniga boshqa nomzodlar izlash ishlarini boshlab yuborgan.

Arteta 2016 yil “Siti” bosh murabbiyi Pep Gvardiolaning yordamchisiga aylangandi. 35 yoshli ispaniyalik mutaxassis futbolchilik faoliyati davomida 5 yil “Arsenal” sharafini himoya qildi, shundan ikki mavsumida u jamoada sardor bo‘lib kelgan.

Londonliklar Artetaga murabbiylar shtabidan joy taklif qilishgan, lekin Mikelningn o‘zi Manchester klubida murabbiylik faoliyatini boshlashni istagan.

Ma’lumot uchun, “Manchester Siti” ayni damda Angliya chempionatida 52 ochko bilan eng yaqin raqobatchisi “Manchester Yunayted”dan 11 ochko ilgarilab ketgan.