“Манчестер Сити” клубида ёрдамчи мураббий лавозимида ишлаётган Микель Артета келажакда “Арсенал” бош мураббийига айланиши мумкин. Лондон клуби раҳбарияти ҳозирдан Арсен Венгер ўрнига бошқа номзодлар излаш ишларини бошлаб юборган.

Артета 2016 йил “Сити” бош мураббийи Пеп Гвардиоланинг ёрдамчисига айланганди. 35 ёшли испаниялик мутахассис футболчилик фаолияти давомида 5 йил “Арсенал” шарафини ҳимоя қилди, шундан икки мавсумида у жамоада сардор бўлиб келган.

Лондонликлар Артетага мураббийлар штабидан жой таклиф қилишган, лекин Микелнингн ўзи Манчестер клубида мураббийлик фаолиятини бошлашни истаган.

Маълумот учун, “Манчестер Сити” айни дамда Англия чемпионатида 52 очко билан энг яқин рақобатчиси “Манчестер Юнайтед”дан 11 очко илгарилаб кетган.