O‘zbekiston Superligasi shifokorlari Doha shahridagi “Aspetar” sportga ixtisoslashgan tibbiyot markazida o‘tkaziladigan o‘quv-seminarda ishtirok etish uchun bugun, 19 dekabr kuni Turkiya orqali Qatarga yo‘l oldi.
O‘quv-seminar 20–21 dekabr kunlari bo‘lib o‘tadi. Seminar davomida “Aspetar” tibbiyot markazi mutaxassislari o‘zbekistonlik shifokorlariga sport tibbiyotida qo‘llanilayotgan yangi vositalar, davolash uslublari, futbolchilarning sog‘lig‘ini nazorat qilib borishda ahamiyat berish kerak bo‘lgan muhim jihatlar haqida batafsil ma’lumot beradi.
Eslatib o‘tamiz, ushbu seminar shu yilning 17 oktyabr kuni O‘FF Prezidenti Umid Ahmadjonov va Qatar Futbol Assosiasiyasining Prezidenti Shayx Hamad bin Xalifa Ahmad at-Taniy o‘rtasida imzolangan memorandum doirasida tashkil etilmoqda.
