Argentina terma jamoasi sardori Lionel Messi jahon chempionatlari tarixida faqat uchinchi marta kuzatilgan noyob hujumkor natijani takrorladi.

OptaJoe statistika portali ma’lumotiga ko‘ra, Messi (bunday statistika yuritila boshlangan 1966 yildan buyon) bitta jahon chempionati pley-offida 15 yoki undan ortiq golli vaziyat yaratgan hamda 15 yoki undan ortiq zarba yo‘llagan futbolchilar qatoriga kirdi. Bungacha bunday natijaga faqat argentinalik afsona Diyego Maradona 1986 yilgi mundialda (22 ta zarba, 16 ta golli vaziyat) va germaniyalik Andreas Breme 1990 yilgi mundialda (17 ta zarba, 15 ta golli vaziyat) erishgan edi.

Messi esa joriy jahon chempionati pley-offidagi uchta o‘yinda 18 ta zarba berib, 15 ta golli imkoniyat yaratdi.

JCH–2026 yarim finalida Argentina 15 iyul kuni Angliyaga qarshi bahs olib boradi.

Hozirga qadar Lionel Messi turnirda 6 ta o‘yin o‘tkazib, 8 ta gol urdi va 1 ta golli uzatmani amalga oshirdi. Musobaqa davomida u terma jamoalar o‘rtasidagi eng nufuzli turnir tarixida eng yaxshi to‘purar va eng yaxshi assistentga aylandi.