"Arsenal" bosh murabbiyi Arsen Venger APLning 19-turida "Liverpul" bilan jangavor durangdan so‘ng (3:3) fikrlarini bildirdi.
"Birinchi bo‘limda qo‘rquv ostida o‘ynadik va o‘z saviyamizni ko‘rsata olmadik. Ikkinchi bo‘limda esa o‘z saviyamizda o‘ynadik. G‘alaba qozona olmaganimizdan afsusdaman, ammo premyer-ligada aynan shunday o‘yinlarni ko‘rishni istardim.
Futbolchilarim "Liverpul"ning hujumda tez harakat qilishlarini biladilar. O‘yinchilarni o‘yinga tayyorlar ekansan, ular o‘yinga shay bo‘lishlarini istaysan, ammo bu ba’zida raqibni kuchli ko‘rsatib qo‘yadi.
Agar darvozaga zarba bo‘lmasa, himoya mustahkam ko‘rinadi, ammo bunday futbol tomoshabinlarga yoqmaydi", - deydi Venger.