"Арсенал" бош мураббийи Арсен Венгер АПЛнинг 19-турида "Ливерпуль" билан жангавор дурангдан сўнг (3:3) фикрларини билдирди.
"Биринчи бўлимда қўрқув остида ўйнадик ва ўз савиямизни кўрсата олмадик. Иккинчи бўлимда эса ўз савиямизда ўйнадик. Ғалаба қозона олмаганимиздан афсусдаман, аммо премьер-лигада айнан шундай ўйинларни кўришни истардим.
Футболчиларим "Ливерпуль"нинг ҳужумда тез ҳаракат қилишларини биладилар. Ўйинчиларни ўйинга тайёрлар экансан, улар ўйинга шай бўлишларини истайсан, аммо бу баъзида рақибни кучли кўрсатиб қўяди.
Агар дарвозага зарба бўлмаса, ҳимоя мустаҳкам кўринади, аммо бундай футбол томошабинларга ёқмайди", - дейди Венгер.
