“Manchester Siti” klubi bosh murabbiyi Pep Gvardiola APLning yangi yilga bag‘ishlangan taqvimida bo‘lib o‘tadigan o‘yinlar haqida o‘z fikrlarini bildirib o‘tdi.
“Menimcha, toliqib qolmaymiz. Bu bo‘lishi mumkin, lekin bizda ajoyib futbolchilardan tuzilgan tarkib bor. Jezus “Bornmut”ga qarshi o‘yinni o‘tkazib yubordi. Ammo u “Lester”ga qarshi 120 daqiqani to‘laqonlicha o‘tkazdi. Gabriel bizga bir maromda o‘ynashimizga yordam beradi. “Bornmut”ga qarshi Danilo, Bernardu Silva, Gyundogan bizga yaqindan yordam berishdi, ularga alohida o‘z minatdorchiligimni bildiraman. Bizni har to‘rt kun ichida bitta o‘yin kutib turibdi, albata bunday vaziyatlarda rotasiya qo‘llayman”, - deydi Gvardiola.
