"Bavariya" 12 kun dam oldi. Myunxenliklar ertaga ishga qaytadilar. Jamoa Qatarda 6 kunlik yig‘in o‘tkazadi
Qatarga 25 futbolchi otlanadi. Ular orasida yangi o‘yinchi Sandro Vagner, shuningdek, yoshlar jamoasidan Ron-Torben Xoffmann, Lukas May (U19), Niklas Dorsh, Marko Fridl va Feliks Gyotse (o‘rinbosarlar) kabi o‘yinchilar bor.
Myunxenliklar oltinchi yildirki ikkinchi davraga Qatarda tayyorgarlik ko‘rmoqdalar. Jarohatlanganlar: Manuel Noyer, Tyago va Kristian Fryuxtl Myunxenda qolishgan.
Jamoa ixtiyorida Aspire Academy for Sports Excellence tayyorlov markazi bo‘ladi. Yupp Xaynkes shogirdlari birinchi kuni bir mashg‘ulot o‘taydilar.
"Bavariya" yig‘in davomida Qatarning "Al Ahli" klubi bilan o‘rtoqlik uchrashuvi o‘tkazadi (6 yanvar).
