Angliya premyer ligasi 22-turidan o‘rin olgan London derbisi o‘z poyoniga yetdi.
Juda ham qiziqarli, jangovor tarzda kechgan bahsda g‘olib nomi aniqlanmadi va jamoalar 1 ochkodan bo‘lishib olishdi.
Birinchi bo‘limda bir qator vaziyatlar bo‘lishiga qaramay darvozalar daxlsiz qoldi. Ikkinchi bo‘limning 63-daqiqasiga kelib, Jek Uilsher jarima maydonchasi ichida kuchli zarbasi evaziga hisobni ochdi.
Oradan 4 daqiqa o‘tib Ektor Belyerin Eden Azarga nisbatan o‘yin qoidasini buzdi va mezbonlar darvozasi tomon penalti belgilandi. Zarbani jabrlanuvchining o‘zi aniq tarzda ijro etib, muvozanatni tikladi.
84-daqiqada esa «Chelsi» hisobda oldinga chiqib oldi. Bu vaziyatda Dzappakostaning chiroyli uzamasini Markos Alonso darvozaga to‘g‘rilab qo‘ydi.
Biroq bu hammasi emas qo‘shimcha daqiqalar aniqrog‘i, 90+2-daqiqada «Arsenal»ning ketma-ket hujumini Ektor Belyerin chiroyli gol bilan yakunladi, 2:2.
Shu tariqa har ikki jamoa bir ochkodan bo‘lishib olishdi.
ANGLIYA CHEMPIONATI. 22-TUR
ARSENAL – CHELSI 2:2 (0:0)
3 yanvar, «Emireyts»
Gollar: 1:0 – 63 Uilsher, 1:1 – 67, penalti Azar, 1:2 – 84 Alonso, 2:2 – 90 Belyerin.
Arsenal: Chex, Mustafi, Xolding, Belyerin, Chembers (Uolkott, 88), Djaka, Meytlend-Naylz, Ozil, Uilsher, Sanches, Lyakazett (Uelbek, 80).
Chelsi: Kurtua, Aspilikueta, Kristensen, Keyxill, Mozes (Dzappakosta, 56), Azar (Villian, 82), Fabregas (Drinkuoter, 71), Kante, Bakayoko, Alonso, Morata.
Ogohlantirishlar: Uilsher (31), Fabregas (43), Xolding (53), Ozil (67), Kurtua (89).
