“Manchester Yunayted” klubi bosh murabbiyi Joze Mourinyo Angliyadan ketishi haqidagi xabarlarga o‘z munosabatini bildirdi.
“Bu shunchaki navbatdagi yolg‘on. Men bu xabarlarga munosabat bildirish uchun aniq bir nima deya olmayman. Eng yomoni, kimningdir mening ishimga boshini tiqishi va ishimdan qoniqmasligida deb o‘ylayman. Ha, bular hammasi menga yomon ta’sir qilmoqda. Sizlarga faqat bu xabarlar noto‘g‘ri ekanligini ayta olaman.
Yana bir marta takrorlayman, men shartnomaning deyarli yarim shartlarini bajarib bo‘ldim. Yangi shartnoma imzolayman yoki yo‘q, bu rahbarlarning ishi. Ammo jamoada qolib, yuklatilgan vazifalarni bajarishni istayman.
Uch yildan beri “MYU”da ishlab kelaman, va shunga o‘xshash savollarni direktorlar kengashi va mister Vudvordga berishingizni so‘ragan bo‘lardim. Ular mening ishimdan to‘liq qoniqishmoqda va shartnomamni yakuniga yetkazishimga qarshi emaslar”, – deydi Mourinyo.
