Londoning “Arsenal” klubi bosh murabbiyi Arsen Venger “Chelsi”ga qarshi o‘yindan (2:2) so‘ng uchrashuv haqida o‘z fikrlarini bildirib o‘tdi.

“Ajoyib o‘yin bo‘ldi. Hisobni ochganimizdan so‘ng gol o‘tkazib yuborganimiz alam qildi. Nega hakam biz tomonga ishlatilgan follarni ko‘rmadi? Agar bizning darvoza tomon penalti belgilashgan bo‘lsa, bizda bunday holatdan ikki marta bo‘ldi.

Ammo, o‘yinni mag‘lubiyat bilan yakunlamaganizdan xursandman. Balki, bu adolatli qaror bo‘ldi.

Penalti? Bunday vaziyatlar har bir o‘yinda 10 martalab sodir bo‘lishi mumkin. Ba’zi bir uchrashuvlarda shunday bo‘ladiki, sen noqulay holatga tushib qolasan.  O‘zgartirish esa seni qo‘lingdan kelmaydi”, - deydi Venger.