"Inter" bosh murabbiyi Luchano Spalletti A seriyaning 20turida "Fiorentina" bilan kechgan o‘yindan (1:1) so‘ng fikrlarini bildirdi.

"Neradzurri" ikkinchi bo‘limga qo‘shib berilgan daqiqalarda gol o‘tkazib, g‘alabani qo‘ldan chiqardi.

"Bu haftada muammolarga uchradik. Nagatomo grippga chalindi, Ranokkiya qovurg‘asidagi og‘riq bilan o‘ynadi. Jamoa to‘pni oson yo‘qotyapti va o‘ziga muammo yaratyapti. "Fiorentina" rishga natijasiga munosib bo‘lsada, bizda ikkinchi golni urishga imkoniyatlarimiz bo‘ldi. Ular o‘zlarini noqulay sezishdi, ammo biz bundan foydalana olmadik", - deydi Spaletti.

"Inter" ustozi amoasining o‘yin saviyasi haqidagi savold asabiylashib ketdi:

"Bu mening jonimga tegdi. Balki o‘zingiz kiyinish xonasiga kirib, futbolchilarga yaxshi o‘ynamayotganini aytarsiz? Men o‘z ishimni baaryapman, ammo bizda qiyinchiliklar bor. Bizga markaziy himoyachi yetishmayotgani hammaga ma’lum. Hatto uyda o‘tirgan 80 yoshli onam ham buni biladi. Biz qo‘l ostimizdagilar bilan eplab turishimiz kerak, ba’zan buni uddalayapmiz. Men kadrlar muammosi bilan o‘zimni oqlamoqchimasman".