“Lokomotiv” jamoasi yangi mavsum tayyorgarligini endi xorij yig‘inlari orqali davom ettiradi. Bugun erta tongda BAA tomon yo‘l olgan “temiryo‘lchilar” ayni paytda Dubaydagi “Jebel Ali” mehmonxonasiga borib joylashishdi.
“Lokomotiv” Dubayda 23 yanvarga qadar yig‘in o‘tkazadi va kuniga 2 mahaldan mashg‘ulotlar olib boradi. Mazkur yig‘in davomida 4ta nazorat bellashuvi o‘tkazilishi ham ko‘zda tutilgan. Jamoamizga 14 yanvarda Shotlandiyaning “Aberdin” klubi, 17 yanvarda mahalliy jamoalardan biri, 19 yanvar sanasida Rossiyaning “Rubin” klubi hamda 22 yanvar kuni yana bir rus klubi – “Krasnodar” raqiblik qiladi.
“Lokomotiv”ning har kungi mashg‘ulotlaridan reportajlarni muntazam e’tiboringizga havola etib boramiz.
