Taniqli atlet Useyn Bolt futbolchilik faoliyatini boshlash arafasida. Yamaykalik sportchi “Manchester Yunayted”da o‘ynashni istaydi, biroq buning imkoni yo‘qligi sababli u Dortmundning “Borussiya” klubini tanladi. U martda nemis klubi safida tibbiy ko‘rikdan o‘tmoqchi.
“Jarohatimdan forig‘ bo‘ldim va yaxshi formaga kiryapman. Martda Dortmundda tibbiy ko‘rikdan o‘taman va futbolchilik faoliyatimni boshlayman. Agar “Borussiya” menga imkon bersa, mashg‘ulotlarda o‘zimni ko‘rsataman va yaxshi natija qayd etaman.
Orzuyim — “Manchester Yunayted”da o‘ynash. Men bu haqda Fergyuson bilan gaplashdim va menga yordam berishini o‘tinib so‘radim. U agar men jarohat olmasam va yaxshi formada bo‘lsam, “Old Trafford”da o‘ynashimga yordam berishini aytdi”, dedi Bolt.
