Таниқли атлет Усэйн Болт футболчилик фаолиятини бошлаш арафасида. Ямайкалик спортчи “Манчестер Юнайтед”да ўйнашни истайди, бироқ бунинг имкони йўқлиги сабабли у Дортмунднинг “Боруссия” клубини танлади. У мартда немис клуби сафида тиббий кўрикдан ўтмоқчи.

“Жароҳатимдан фориғ бўлдим ва яхши формага киряпман. Мартда Дортмундда тиббий кўрикдан ўтаман ва футболчилик фаолиятимни бошлайман. Агар “Боруссия” менга имкон берса, машғулотларда ўзимни кўрсатаман ва яхши натижа қайд этаман.

Орзуйим — “Манчестер Юнайтед”да ўйнаш. Мен бу ҳақда Фергюсон билан гаплашдим ва менга ёрдам беришини ўтиниб сўрадим. У агар мен жароҳат олмасам ва яхши формада бўлсам, “Олд Траффорд”да ўйнашимга ёрдам беришини айтди”, деди Болт.