«Барселона» янги ҳужумчи излашни бошлади, чунки Роберт Левандовски жорий мавсум якунланганидан кейин каталонияликлар клубини расман тарк этади. Бу ҳақда El Nacional нашри хабар бермоқда.

Манбанинг берган маълумотига кўра, «кўк-анорранглилар» польшалик тўпурарнинг ўринбосари сифатида «Арсенал» ҳужумчиси Габриэль Жезусни кўришмоқда. Лондонликлар бразилиялик футболчини 45 миллион евро эвазига қўйиб юборишга тайёр.

Жорий мавсумда Габриэль Жезус «Арсенал» сафида 26 та учрашувда майдонга тушиб, 5 та гол урди ва 2 та голли узатмани амалга оширди. Унинг лондонликлар билан амалдаги шартномаси 2027 йилнинг ёзигача мўлжалланган.