"Manchester Siti" bosh murabbiyi Xosep Gvardiola Angliya liga kubogi yarimfinalining birinchi uchrashuvida "Bristol Siti" ustidan qozonilgan g‘alabadan so‘ng (2:1) fikrlarini bildirdi.
"Chempionship dunyodagi eng qiyin ikkinchi liga bo‘lsa kerak. U yerda har bir jamoa mavsumda 44 tadan o‘yin o‘tkazadi va ba’zilar yana pley-offda ham o‘ynaydilar. Men chempionship va uning jamoalarini hurmat qilaman.
Kubok bahslarida kutilmagan hisoblar ham bejizga emas. Ispaniya kubogida ham syurprizlar bo‘lib turadi, ammo u yerda Angliyadagidek bir emas, ikki o‘yin o‘tkaziladi", - deydi Gvardiola.