Bundan biroz vaqt oldin "Oq-tepa" o‘yingohida "Navbahor" - "Oq-tepa" jamoalari o‘rtasidagi nazorat o‘yini yakunlandi. Uchrashuvda jamoamiz 3:1 hisobida g‘alaba qozondi.

Uchrashuv birinchi bo‘lim boshlarida Dilshod Sharofitdinov Azizbek Turg‘unboyevning to‘p oshirishidan keyin bir himoyachini aldab darvozaning olis burchagini nishonga olib hisobni ochdi.

Birinchi bo‘lim yakunlanishi arafasida esa "Oq-tepa" futbolchilari hisobni tenglashtirishni uddasidan chiqishdi. Ikkinchi bo‘lim boshlarida Azamat Allaniyozov jamoamizning ikkinchi goliga mualliflik qildi. Keyinchalik Jahongir Mehmonov ham o‘z hisobiga gol yozib qo‘yishga erishdi. Aynan shu hisob bahs yakuniga qadar o‘zgarmadi.
Mazkur uchrashuvda murabbiylarimiz ikki nafar yangi futbolchini ko‘rikdan o‘tkazganliklarini aytib o‘tish joiz. O‘tgan mavsumda “Neftchi” darvozasini qo‘riqlagan Abdumavlon Abdujalilov va mavsum ikkinchi yarmida “Obod” safiga qo‘shilgan Ibrohim Abdullayevlar shular jumlasidandir. Ushbu futbolchilar mashg‘ulotlar va nazorat o‘yinlarida o‘zlarini ko‘rsata olishsa “Navbahor” jamoasiga o‘tishlari mumkin bo‘ladi.
Jamoamiz uchrashuvni quyidagi tarkibda o‘tkazdi: Abdumavlon Abdujalilov, Mirzohid G‘ofurov, Jahongir Mehmonov, Ibrohim Abdullayev, Avazbek Mamatxo‘jayev, Azizbek Turg‘unboyev, Oston O‘runov, Dilshod Sharofiddinov, Zohir Pirimov, A’zam Aliyev, Azamat Allaniyozov. Zaxiradan maydonga tushganlar: Mirzohid Mamatxanov, Ilhom Boydedayev, Ravshan Xursanov, Ravshan Do‘stmatov.

“Navbahor” FK matbuot xizmati.