Avval xabar berganimizdek, mamlakatimizda bolalar va o‘smirlar o‘rtasida sog‘lom turmush tarzini targ‘ib qilish va futbolni ommalashtirish, iste’dodli bolalarni saralab olish maqsadida 18 yanvardan "Kelajagimiz umidlari" futbol festivali boshlandi.

Kecha Andijon shahridagi Olimpiya zaxiralari kollejida 7 yoshli bolalardan iborat 10ta jamoa o‘rtasida musobaqalar o‘tkazilgandi.

Bugun Andijon viloyatining Baliqchi tumanida 8 yoshdagi bolalar o‘rtasida musobaqalar bo‘lib o‘tdi. Musobaqalarda Andijon viloyatining Baliqchi, Bo‘z va Ulug‘nor tumanlaridan tashrif buyurgan jami 100 nafar bolalar ishtirok etishdi.

Festival davomida ishtirokchilariga sovg‘a sifatida to‘plar, sport formalari taqdim qilindi hamda sertifikatlar topshirildi.

Ertaga "Kelajagimi umidlari" festivali Namangan va Farg‘ona viloyatlarida ham start oladi.