Аввал хабар берганимиздек, мамлакатимизда болалар ва ўсмирлар ўртасида соғлом турмуш тарзини тарғиб қилиш ва футболни оммалаштириш, истеъдодли болаларни саралаб олиш мақсадида 18 январдан "Келажагимиз умидлари" футбол фестивали бошланди.
Кеча Андижон шаҳридаги Олимпия захиралари коллежида 7 ёшли болалардан иборат 10та жамоа ўртасида мусобақалар ўтказилганди.
Бугун Андижон вилоятининг Балиқчи туманида 8 ёшдаги болалар ўртасида мусобақалар бўлиб ўтди. Мусобақаларда Андижон вилоятининг Балиқчи, Бўз ва Улуғнор туманларидан ташриф буюрган жами 100 нафар болалар иштирок этишди.
Фестивал давомида иштирокчиларига совға сифатида тўплар, спорт формалари тақдим қилинди ҳамда сертификатлар топширилди.
Эртага "Келажагими умидлари" фестивали Наманган ва Фарғона вилоятларида ҳам старт олади.
