Jamoa bugun "Paxtakor" stadionida mashg‘ulot o‘tkazdi. Dastlab futbolchilarning umumiy jismoniy holatini yugurish mashqi orqali jismoniy tayyorgarlik bo‘yicha murabbiy Laslo Yambor tekshirib ko‘rdi. "Katapult-sport" texnologiyasi yordamida ularning chidamliligi aniqlab olindi. O‘yinchilar ayni paytda yaxshi jismoniy holatga kirib borishmoqda.

Shundan keyin futbolchilar jamoaviy bosim o‘tkazish, to‘pni olib qo‘yish, himoyadan hujumga tezlik bilan o‘tish va to‘pni nazorat qilish kabi jihatlar ustida ishlashdi.

"Paxtakor" rosa bir haftadan so‘ng Qatarda "Al-Garafa"ga qarshi Chempionlar ligasi pley-off uchrashuvida maydonga tushadi.