Bugun "Paxtakor" stadionida jamoa safiga yangi kelib qo‘shilgan o‘yinchilar ishqibozlarga tanishtirildi.
"Paxtakor" va "So‘g‘diyona" o‘rtasidagi nazorat bellashuvidan avval shartnoma imzolangan to‘rt nafar yangi futbolchi - Farruh Sayfiyev, Akmal Shorahmedov, Bahrom Abdurahimov va Dilshod Rahmatullayev, shuningdek, ijaradan qaytgan Yegor Krimes va Jaloliddin Masharipov muxlislarga tanishtirib o‘tildi. Bu futbolchilar jamoamiz tarkibida Turkiyada o‘tkazilgan o‘quv-yig‘in mashg‘ulotlarida ishtirok etishga ulgurishdi.
Ular "Paxtakor" safida quyidagi raqamli liboslarda o‘ynashadi:
Sayfiyev - 34
Shorahmedov - 2
Abdurahimov - 18
Rahmatullayev - 8
Krimes - 15
Masharipov - 9
Tanishtirish marosimidan keyin futbolchilar stadionga kelgan ishqibozlarga futbol to‘plari va jamoa liboslarini sovg‘a sifatida taqdim etishdi.
