JCH-2018 final bosqichiga astoydil tayyorgarlik ko‘rishni maqsad qilgan Saudiya Arabistoni termasi o‘z futbolchilarini birin-ketin Ispaniya klublari tarkibiga joylamoqda.
Mundialda «A» guruhidan joy olgan saudiyaliklarning ahdi qat’iy ekanini shundan ham bilib olish mumkin. Chunki sayyoramizning bosh musobaqasida ularga jiddiy jamoalar raqiblik qilishadi.
LA-LIGA BILAN HAMKORLIK
Saudiya Arabistoni sport vazirligi va futbol federasiyasi Ispaniya La-ligasi bilan birgalikda hamkorlik va qo‘llab-quvvatlash dasturi bo‘yicha yangi qadamlar qo‘yilayotgani haqida xabar berishdi.
Asosiy yangilik: saudiyalik 9 futbolchini ispan klublariga ijaraga berish orqali Yaqin Sharqdagi ushbu mamlakat futbolini yangi bosqichga olib chiqish rejalashtirilgan.
Uzoq muddatga mo‘ljallangan mazkur kelishuv rivojlanishning bir nechta bosqichiga ega: Saudiya Arabistonida La-liga akademiyalari tashkil etish va mahalliy futbolchilar orasidan eng iqtidorlilarini kashf qilish dasturi bo‘yicha ishlash.
O‘tgan yilning 21 dekabr kuni Ar-Riyodda o‘tkazilgan maxsus marosimda Ispaniya birinchi va ikkinchi divizionlarida qatnashuvchi klublar vakillari ishtirok etib, qishki transferlar oynasi ochilgach, 9 nafar saudiyalik o‘yinchini ijaraga olishlarini bildirishdi. Maqsad - ushbu futbolchilarni Ispaniya maydonlarida chiniqtirib, ularning potensialini ochish.
OLTI NAFARI TERMA A’ZOSI
Futbolchilar uzoq davom etgan skauting jarayonida aniqlab olindi - ispan klublari bir necha oy mobaynida nomzodlarni ko‘zdan kechirib, o‘zlari qo‘ygan talabga javob beradiganlarni tanlashdi.
Omadli 9 o‘yinchidan olti nafari - Salim al Davsari, Fahad al Muvallad, Ali al Nemer, Abdulmajid al Sulayxem, Nuh al Muso va Yahyo al Shehri JCH-2018da Saudiya Arabistoni termasi safida to‘p surishadi. Ulardan ayrimlari Primera hamda Segunda jamoalarida o‘ynasalar, qolganlar klub akademiyasida tahsil olishadi.
- Futbol - Saudiya Arabistonida eng ommabop sport turi. Federasiyamiz nomidan mamlakatimizdagi yosh iqtidorlarni yuqori darajada o‘ynash imkoniyatiga ega bo‘lganliklari bilan tabriklaymiz.
Uzoq muddatga mo‘ljallangan mazkur hamkorlikni o‘rnatishdan maqsad - qirollikda futbolni rivojlantirib, professional o‘yinchilarning yangi avlodini tarbiyalashdan iborat, - Saudiya Arabistoni sport vaziri quvonchini yashirolmayapti.
TELETRANSLYASIYALAR RIVOJI
Saudiyalik futbolchilarning safga qo‘shilishi Ispaniya klublariga foyda keltirishi mumkin - xususan, qisqa muddatda Yaqin Sharqdagi teletranslyasiyalar ommabopligi ortishi mumkin mumkin.
La-liga - shundoq ham sayyoramizning shu qismida eng ko‘p tomosha qilinadigan chempionat hisoblanadi (televizion reytinglar shundan dalolat bermoqda), milliy jamoa futbolchilarining Ispaniyaga ko‘chib o‘tishi esa yanada ko‘proq muxlislar e’tiborini tortishi, shubhasiz.
MURABBIYLIK MAKTABI BO‘YICHA ISH
Shuningdek, kelishuv bandlarida Saudiya Arabistonida La-liga uslubida faoliyat yurituvchi futbol akademiyalari ochish ham nazarda tutilgan. Iqtidorli saudiyaliklarda bilim va ko‘nikmalarini oshirib, faoliyatlarini tajribali mutaxassislar qo‘l ostida davom ettirish imkoniyati tug‘ildi.
Professional murabbiylar kelishuvning eng muhim qismi sanaladilar. Ularning vazifasi faqat yosh futbolchilar bilan ishlash emas, balki saudiyalik murabbiylarga bilganlarini o‘rgatib, shu tariqa ularning saviyasini oshirishdan ham iborat.
ISPANIYADAGIARABISTONLIKLAR
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
