Bugun, 30 yanvar kuni Qarshidagi “Markaziy” stadionida “Nasaf” Osiyo chempionlar ligasi saralash pley-off bosqichi doirasida Iordaniyaning «Al-Faysaliy» klubini qabul qildi. Uchrashuvda qarshiliklar yirik 5:0 hisobida g‘alaba qozonishdi.
Dastlab, Igor Golban 12-daqiqada Slavko Lukichning burchakdan oshirib bergan to‘pini boshi bilan darvozaga joylab qo‘ydi. Jamoalar birinchi bo‘limni shu hisobda yakunlashdi. Ikkinchi bo‘limning 49-daqiqasida Jasur Hasanovning burchakdan oshirib bergan to‘pini Bobir Abduxoliqov yana boshi bilan darvozaga joylab, qarshiliklarning ikkinchi goliga mualliflik qildi.
Oradan biroz vaqt o‘tib, Azizjon G‘aniyev uzoq masofadan chiroyli zarba yo‘llab, hisobni yirik ko‘rinishga keltirdi. 60-daqiqada raqib himoyachilari Islom Kenjaboyevni jarima maydonida yiqitishdi. Hakam esa bu vaziyatda penalti belgiladi va belgilangan penaltini “Nasaf”ning 69-raqamli hujumchisi Dragan Cheran to‘g‘ri amalga oshirdi.
O‘yinning so‘nggi daqiqalarida Doniyor Narzullayevni tepgan to‘pini Muhammad Yosir boshi bilan o‘z darvozasiga avtogol qayd etdi va hisob 5:0 ko‘rinishiga keldi. Ikkinchi bo‘limga qo‘shib berilgan daqiqalarning so‘ngisida mehmonlar bitta gol urishga muvaffaq bo‘lishdi.
Shu tariqa “Nasaf” pley-off uchrashuvida Iordaniyani chempioni “Al Faysali”ni 5:1 hisobida dog‘da qoldirib, OCHL-2018 guruh bosqichi yo‘llanmasini qo‘lga kiritdi. Ma’lumot uchun, “Nasaf” “S” guruhida kurashni davom ettiradi. G‘alaba muborak!!!
OCHL, pley-off bosqichi.
"Nasaf" (O‘zbekiston) - "Al Faysali" (Iordaniya) 5:1
Qarshi, "Markaziy" stadion. 30.01.2018.
Gollar: Igor Golban (12), Bobur Abduxoliqov (49), Azizjon G‘aniyev (52), Dragan Cheran (61 penalti), Yosir Al Ravashdeh (86 avtogol) - Alban Meha 90+3.
Hakamlar: Xiryuki Kimura, Ochi Shinji, Takagi Takumi (hammasi Yaponiyadan), Nasrullo Kabirov (Tojikiston)
Nazoratchi: Ali Hamad Badaviy (BAA)
Uchrashuv komissari: Dorji Mindu (Butan)
"Nasaf": 35.Sanjar Quvvatov - 55.Slavko Lukich, 22.Igor Golban, 92.Umar Eshmurodov, 14.SHarof Muhitdinov - 7.Odiljon Hamrobekov (8.Sanjar Rashidov, 80), 6.Azizjon G‘aniyev (5.G‘olib G‘aybullayev, 76) - 20.Islom Kenjaboyev, 69.Dragan Cheran, 77.Jasur Hasanov (17.Doniyor Narzullayev, 70) - 10.Bobur Abduxoliqov.
"Al Faysali": 12. Abulayla Yazeed, 7. Ahmad Yusuf (10.Mahdi Alameh, 77), 11.Oday Zahran, 13.Halil Beniatiya, 17.Salem Al Ajaylin, 19.Bani Yaseen, 25.YOsir Al Ravashdeh, 30.Dominik Mendi (16.Ahmad Navaf, 84), 37.Mahmud Almardi, 77.Alban Meha, 99.Lukash Gikiyevich.
Ogohlantirishlar: Oday Zahran 36
