Бугун, 30 январь куни Қаршидаги “Марказий” стадионида “Насаф” Осиё чемпионлар лигаси саралаш плей-офф босқичи доирасида Иорданиянинг «Ал-Файсалий» клубини қабул қилди. Учрашувда қаршиликлар йирик 5:0 ҳисобида ғалаба қозонишди.
Дастлаб, Игорь Голбан 12-дақиқада Славко Лукичнинг бурчакдан ошириб берган тўпини боши билан дарвозага жойлаб қўйди. Жамоалар биринчи бўлимни шу ҳисобда якунлашди. Иккинчи бўлимнинг 49-дақиқасида Жасур Ҳасановнинг бурчакдан ошириб берган тўпини Бобир Абдухолиқов яна боши билан дарвозага жойлаб, қаршиликларнинг иккинчи голига муаллифлик қилди.
Орадан бироз вақт ўтиб, Азизжон Ғаниев узоқ масофадан чиройли зарба йўллаб, ҳисобни йирик кўринишга келтирди. 60-дақиқада рақиб ҳимоячилари Ислом Кенжабоевни жарима майдонида йиқитишди. Ҳакам эса бу вазиятда пенальти белгилади ва белгиланган пеналтини “Насаф”нинг 69-рақамли ҳужумчиси Драган Черан тўғри амалга оширди.
Ўйиннинг сўнгги дақиқаларида Дониёр Нарзуллаевни тепган тўпини Муҳаммад Ёсир боши билан ўз дарвозасига автогол қайд этди ва ҳисоб 5:0 кўринишига келди. Иккинчи бўлимга қўшиб берилган дақиқаларнинг сўнгисида меҳмонлар битта гол уришга муваффақ бўлишди.
Шу тариқа “Насаф” плей-офф учрашувида Иорданияни чемпиони “Ал Файсали”ни 5:1 ҳисобида доғда қолдириб, ОЧЛ-2018 гуруҳ босқичи йўлланмасини қўлга киритди. Маълумот учун, “Насаф” “С” гуруҳида курашни давом эттиради. Ғалаба муборак!!!
ОЧЛ, плей-офф босқичи.
"Насаф" (Ўзбекистон) - "Ал Файсали" (Иордания) 5:1
Қарши, "Марказий" стадион. 30.01.2018.
Голлар: Игорь Голбан (12), Бобур Абдухолиқов (49), Азизжон Ғаниев (52), Драган Черан (61 пенальти), Ёсир Ал Равашдеҳ (86 автогол) - Албан Меҳа 90+3.
Ҳакамлар: Хирюки Кимура, Очи Шинжи, Такаги Такуми (ҳаммаси Япониядан), Насрулло Кабиров (Тожикистон)
Назоратчи: Али Ҳамад Бадавий (БАА)
Учрашув комиссари: Доржи Минду (Бутан)
"Насаф": 35.Санжар Қувватов - 55.Славко Лукич, 22.Игорь Голбан, 92.Умар Эшмуродов, 14.Шароф Муҳитдинов - 7.Одилжон Ҳамробеков (8.Санжар Рашидов, 80), 6.Азизжон Ғаниев (5.Ғолиб Ғайбуллаев, 76) - 20.Ислом Кенжабоев, 69.Драган Черан, 77.Жасур Ҳасанов (17.Дониёр Нарзуллаев, 70) - 10.Бобур Абдухолиқов.
"Ал Файсали": 12. Абулайла Язеед, 7. Аҳмад Юсуф (10.Маҳди Аламеҳ, 77), 11.Одай Заҳран, 13.Ҳалил Бениатия, 17.Салем Ал Ажайлин, 19.Бани Ясеен, 25.Ёсир Ал Равашдеҳ, 30.Доминик Менди (16.Аҳмад Наваф, 84), 37.Маҳмуд Алмарди, 77.Албан Меҳа, 99.Лукаш Гикиевич.
Огоҳлантиришлар: Одай Заҳран 36
