Argentina terma jamoasi va “Barselona” klubi hujumchisi Lionel Messining rekordlari haqidagi maqolani e’tiboringizga xavola etamiz.
1. “Barselona” tarixidagi eng sermahsul to‘purar
Messi “Barselona” libosida 2004 yildan buyon 610 uchrashuvda maydonga tushib o‘z hisobiga 529 ta gol yozdirib qo‘yishga muvaffaq bo‘lgan. Leo kataloniyaliklar tarixidagi eng sermahsul futbolchi bo‘lib turibdi. U rekordini yangilashda davom etmoqda va bu rekord yaqin orada yangilanmasligi aniq!
2. Ispaniya chempionatidagi eng sermahsul to‘purar
Argentinalik hujumchi Ispaniya chempionatida 2004 yildan beri to‘p surib kelmoqda. U hozirga qadar la Ligada 400 o‘yinda ishtirok etib 365 ta golga mualliflik qilgan. Messi Premero tarixidagi eng sermahsul to‘purar bo‘lib turibdi.
3. Ispaniya chempionatining oxirgi 25 yildagi eng yaxshi assistenti
Messi La Ligada oxirgi 25 yil ichida eng ko‘p golli uzatmani amalga oshirgan futbolchi hisoblanadi. U 13 mavsum davomida sheriklariga 130 ta golli pas bergan.
4. “El-klasiko” tarixidagi eng sermahsul to‘purar
Leo “El-klasiko”larda 34 marta maydonga tushib 25 bora Madridlik posbonlarni ranjitishga muvaffaq bo‘lgan. 30 yoshli hujumchi “Real” – “Barsa” o‘yinlarida eng ko‘p gol urgan futbolchi sifatida ham tarix sahifalaridan joy oldi.
5. “El-klasiko”lardagi eng yaxshi assistent
Messi “el-klasiko”lardagi nafaqat eng yaxshi to‘purar, balki eng yaxshi assistent hamdir. U “Real”ga qarshi o‘yinlarda 15 marta sheriklarini golli uzatma bilan taminlab, bu borada ham record o‘rnatgan.
