“Barselona” klubining sobiq hujumchisi Gari Linekerning fikricha, Messi Ispaniya fuqaroligini rad etib, ko‘p narsa yo‘qotgan. Bu haqda u “Mundo Deportivo”ga bergan intervyusida aytib o‘tdi.
“Inyesta, Xavi, Buskets dunyoning eng kuchli futbolchilari sirasiga kirishadi. Ular barcha sovrinlarni, jahon chempionligini, ikki marta Yevropa chempionligini va “Barselona” bilan barcha sovrinlarni qo‘lga kiritishgan. Men har doim aytganman, agar Messi Ispaniya fuqaroligini qabul qilganida va Ispaniya termasida o‘ynaganida kamida 3 marta jahon chempioni hamda shuncha marta Yevropa chempioni bo‘lardi”, dedi Lineker.
