“Барселона” клубининг собиқ ҳужумчиси Гари Линекернинг фикрича, Месси Испания фуқаролигини рад этиб, кўп нарса йўқотган. Бу ҳақда у “Mundo Deportivo”га берган интервьюсида айтиб ўтди.
“Иньеста, Хави, Бускетс дунёнинг энг кучли футболчилари сирасига киришади. Улар барча совринларни, жаҳон чемпионлигини, икки марта Европа чемпионлигини ва “Барселона” билан барча совринларни қўлга киритишган. Мен ҳар доим айтганман, агар Месси Испания фуқаролигини қабул қилганида ва Испания термасида ўйнаганида камида 3 марта жаҳон чемпиони ҳамда шунча марта Европа чемпиони бўларди”, деди Линекер.
