“Inter” hujumchisi Mauro Ikardining tovon puli 90 mln yevroga teng va “Real” uni yanvarda sotib olmoqchi bo‘lgandi. Shundan kelib chiqib, Milan klubi hujumchisiga yangi shartnoma taklif qilmoqchi va moliyaviy shartlarni o‘zgartirmoqchi.

Xabarlarga ko‘ra, “Inter” Ikardiga yiliga 6,5 mln yevro maosh to‘lashga tayyor, ayni damda hujumchining yillik maoshi 4,7 mln yevroga teng. Biroq futbolchining agenti va rafiqasi Vanda Nara Ikardiga 7 mln yevro maosh berilishini va uning tovon pulini 150-200 mln yevrodan oshirmaslikni talab qilyapti. Ammo agar Milan klubi Ikardiga yiliga 8 mln yevro maosh to‘lashga rozi bo‘lsa, Vanda Nara hujumchining shartnomasining uning tovon puli haqidagi band olib tashlanishiga qarshilik bildirmaydi.