“Yuventus” klubi bosh murabbiyi Massimiliano Allegri “Tottenxem”ga qarshi uchrashuv (2:2) dan so‘ng o‘z fikrlarini bildirib o‘tdi.

“Biz Londondagi finalga tayyormiz. O‘yinni ajoyib boshladik, lekin keyin to‘p nazoratini yo‘qotib qo‘ydik, “Tottenxem” juda kuchli pressing qo‘lladi.

Birinchi 45 daqiqada deyarli imkoniyat qoldirmadik, lekin ular tanaffusgacha bo‘lgan atigi bitta vaziyatdan unumli foydalanishdi.

2:0 hisobida himoyaga yotib olmadik. Bizni himoyaga yotishimizga “Tottenxem” majburladi. Ularning ikkinchi gollaridan keyin qo‘rqib qoldik.

Agar kimdir “Yuve” 4:0 hisobida yutishi kerak edi deb o‘ylayotgan bo‘lsa, xato qiladi. So‘nggi vaqtlar biz muxlislarni haddan ortiq erkalatib yubordik.

Chunki, joriy yilgi Yevropa chempionlar ligasi yanada qiyinroq bo‘ladi”, – dedi Allegri.

Eslatib o‘tamiz, javob uchrashuvi 7 mart kuni Londonda bo‘lib o‘tadi.