“Ювентус” клуби бош мураббийи Массимилиано Аллегри “Тоттенхэм”га қарши учрашув (2:2) дан сўнг ўз фикрларини билдириб ўтди.

“Биз Лондондаги финалга тайёрмиз. Ўйинни ажойиб бошладик, лекин кейин тўп назоратини йўқотиб қўйдик, “Тоттенхэм” жуда кучли прессинг қўллади.

Биринчи 45 дақиқада деярли имконият қолдирмадик, лекин улар танаффусгача бўлган атиги битта вазиятдан унумли фойдаланишди.

2:0 ҳисобида ҳимояга ётиб олмадик. Бизни ҳимояга ётишимизга “Тоттенхэм” мажбурлади. Уларнинг иккинчи голларидан кейин қўрқиб қолдик.

Агар кимдир “Юве” 4:0 ҳисобида ютиши керак эди деб ўйлаётган бўлса, хато қилади. Сўнгги вақтлар биз мухлисларни ҳаддан ортиқ эркалатиб юбордик.

Чунки, жорий йилги Европа чемпионлар лигаси янада қийинроқ бўлади”, – деди Аллегри.

Эслатиб ўтамиз, жавоб учрашуви 7 март куни Лондонда бўлиб ўтади.