Opta суперкомпьютери Жаҳон чемпионати–2026 ғолиблиги учун терма жамоалар имкониятларини 1/8 финалнинг сўнгги икки учрашуви олдидан янгилади.
Янгиланган прогнозга кўра, турнирнинг асосий фаворити бўлиб Франция терма жамоаси қолмоқда. Унинг чемпионлик эҳтимоли 27,91 фоизни ташкил этмоқда. Аввалроқ бу кўрсаткич 30,09 фоиз эди.
Қолган жамоаларнинг чемпионлик эҳтимоли қуйидагича:
-
Франция — 27,91%
-
Испания — 22,73%
-
Англия — 17,23%
-
Аргентина — 11,73%
-
Норвегия — 7,20%
-
Марокаш — 4,26%
-
Бельгия — 3,87%
-
Колумбия — 2,85%
-
Швейцария — 1,98%
-
Миср — 0,25%
7 июль куни чорак финалнинг сўнгги иштирокчилари номи маълум бўлади. Тошкент вақти билан соат 21:00 да Атлантада Аргентина ва Миср ўзаро баҳс олиб боради. Соат 01:00 да эса Швейцария — Колумбия учрашуви бўлиб ўтади.
Аввалроқ Франция, Марокаш, Норвегия, Англия, Испания ва Бельгия терма жамоалари чорак финалга йўл олган эди. Қолган икки учрашув ғолиблари турнирнинг энг кучли саккиз жамоаси таркибини тўлдиради.
