"Real" bosh murabbiyi Zinedin Zidan primeraning qoldirilgan uchrashuvida "Leganes" ustidan qozonilgan g‘alabadan so‘ng (3:1) fikrlari bilan o‘rtoqlashdi.
"Lukas Vaskes va Asensio men uchun har doim muhim o‘yinchi bo‘lib kelganlar. Lukas uchun xursandman, u gol urishga haqli edi, chunki u ko‘p ishladi. Vaskes ham Asensio va butun amoa kabi yaxshi o‘ynadi.
Kovachich ham yaxshi ko‘rindi. U bu mavsumda maydonga kam tushdi, ammo bugun juda yaxshi o‘ynadi.
Beyldan mamnunman, shoshilmasdan, qadamma qadam borish kerak. Biz uning yuqori formaga chiqishini istaymiz.
O‘tgan mavsumda o‘yin oxirlarida ko‘p gol urgan edik. Futbolchilarga o‘ziga bo‘lgan ishonch qaytdi. O‘zimiz qilayotgan ishga ishonishimiz kerak. Raqibning goli bizni chalg‘itmasligi kerak", - deydi Zidan.
