“Inter” klubi hujumchisi Mauro Ikardining turmush o‘rtog‘i va agenti Vanda Nara boshqa jamoalar bilan olib borgan muzokaralari haqida to‘xtalib o‘tdi.
“Inter” sport direktori Ausilio bilan uchrashmadim, lekin biz ko‘pincha telefon orqali gaplashib turamiz. U mening fikrlarim haqida yaxshi biladi, shu o‘rinda men ham klub pozisiyasini to‘g‘ri tushunaman.
Ha, qishgi transferlar vaqtida Mauro xizmatlariga Yevropaning ikki grand klubi qiziqish bildirdi. Kelajak haqida o‘ylashni yaxshi ko‘raman. Shuningdek, takliflarni ko‘rib chiqio‘ va vaziyatni to‘g‘hri baholash ham mening vazifamga kiradi.
Katta jamoalar Mauroni qancha erta qo‘lga kiritishsa, shuncha kam pul to‘lashadi. Lekin Ikardining o‘zi “Inter”ga sodiq. U “neradzurri”lar libosida ko‘plab natijalarga erishdi.
Klub Ikardiga 110 mln yevrodan ham yuqori narx qo‘yishi mumkinmi? Yo‘q, buni muammo deb o‘ylamayman. Biroq, bu masalani yana muhokama qilamiz”, - dedi Vanda.
