Ispaniya ligasi rahbari Xavyer Tebas Yevropa ligasida "Atletik" - "Spartak" uchrashuvi oldidan kelib chiqqan to‘qnashuv borasida fikrlarini bildirdi.
Eslatib o‘tamiz, to‘qnashuv natijasida ispan polisiyachisi halok bo‘lgan edi.
"Bu aqlsizlik, bu juda jiddiy. Futboldagi zo‘rovonlikka chidab turmasligimiz kerak. Bu kabi insonlarga rahm qilish kerak emas. Futboldagi zo‘ravonlikka bir zarba bilan to‘xtatishimiz kerak
Rus ishqibozlarini Bilbaoga qo‘ymaslik kerak edi. Ular bu ishlari bilan tanish edi, shuning uchun bu voqea kutilgan edi. Juda yomoni sodir bo‘ldi - bir kishi hayotdan ko‘z yumdi, uni qaytarib bo‘lmaydi.
Eng jiddiy voqealar yevrokuboklarda sodir bo‘lmoqda. Ichki musobaqalarda tartibni saqlay olyapmiz, ammo fanatlar chet ellarga borsalar bu varvarlar yanada vahshiylashib ketmoqdalar", - deydi Tebas.
