Italiya futbol federasiyasining vise-komissari Alessandro Kostakurta mamalakat terma jamoasini boshqarishga nomzodlar haqida fikr bildirdi.
"Konte - nomzodlar orasida eng yaxshisi deb hisoblayman. Yaqin ikki oy ichida u bilan yaxshilab gaplashaman. U ikki yil avval Yevropa chempionatida o‘zini ko‘rsatgan edi. Ammo bu - Manchini va Anchelotti meni qoniqtirmaydi, degani emas. Ular terma jamoada ishlashni istamasalar kerak. Ranyerini ham kuzatyapmiz, A seriyaning boshqa murabbiylari ham diqqatimizda.
Gattuzoni taklif etmasligimiz aniq. U bunday ishga hali tayormas, ammo ishonamanki, bir necha yildan so‘ng bunga tayyor bo‘ladi. Chunki unda hamma narsa bor - ishtiyoq, xarakter va qat’iylik. Ammo hozir bu unga zarar yetkazishi mumkin", - deydi Kostakurta.
