Италия футбол федерациясининг вице-комиссари Алессандро Костакурта мамалакат терма жамоасини бошқаришга номзодлар ҳақида фикр билдирди.
"Конте - номзодлар орасида энг яхшиси деб ҳисоблайман. Яқин икки ой ичида у билан яхшилаб гаплашаман. У икки йил аввал Европа чемпионатида ўзини кўрсатган эди. Аммо бу - Манчини ва Анчелотти мени қониқтирмайди, дегани эмас. Улар терма жамоада ишлашни истамасалар керак. Раньерини ҳам кузатяпмиз, А сериянинг бошқа мураббийлари ҳам диққатимизда.
Гаттузони таклиф этмаслигимиз аниқ. У бундай ишга ҳали таёрмас, аммо ишонаманки, бир неча йилдан сўнг бунга тайёр бўлади. Чунки унда ҳамма нарса бор - иштиёқ, характер ва қатъийлик. Аммо ҳозир бу унга зарар етказиши мумкин", - дейди Костакурта.
