Bugun jamoa futbolchilari O‘FA mutaxassisi Shamil Iseev boshchiligidagi guruh a’zolariga jismoniy tayyorgarlik bo‘yicha normativlarni topshirishdi.
“Jar” stadioni maydonida o‘yinchilar belgilangan talablarni bajarish uchun harakat qilishdi. Normativlar 30 metrga yugurish, 7 marta 50 metrga chopish, uzunlikka sakrash va “Yo-Yo” sinovlari bo‘yicha topshirildi.
Ushbu testlar futbolchilarning mavsumga qay darajada tayyor ekanligini aniqlash va bu borada zarur ko‘rsatmalarni berish uchun o‘tkazilmoqda.
