Birinchi turda "So‘g‘diyona" bilan kechadigan uchrashuvdan oldin hujumchi Jasur Hakimov bo‘lajak o‘yin haqida fikrlarini bildirdi.

- "So‘g‘diyona" bilan o‘yinga tayyorgarlik juda yaxshi maromda ketmoqda. E’tiborimizni bo‘lajak uchrashuvga qaratganmiz. "So‘g‘diyona"ga qarshi bellashuvda g‘alaba qozonib, muxlislarimizni xursand etish niyatimiz bor. Nasib qilsa, birinchi turda ishqibozlarga ajoyib g‘alabani taqdim etamiz.

Raqibimiz jamoaviy tomondan yaxshi shakllangan. O‘zim ham bu jamoa tarkibida ikki mavsum o‘ynadim. Oxirgi paytlarda ular yaxshi transferlarni amalga oshirishdi va jamoani kuchaytirishdi. Bizga qarshi bor kuchlari bilan harakat qilishadi. Biz esa raqibni mag‘lubiyatga uchratib, muxlislarimizni xursand etishga urinamiz.