“Neftchi” – “Nasaf” bahsidan keyin o‘tkazilgan matbuot anjumanida farg‘onaliklar himoyachisi Shukurali Po‘latov ishtirok etib o‘yin haqida shaxsiy fikrlarini bildirdi.
Shukurali Po‘latov: Bugun O‘zbekistondagi eng kuchli klubga qarshi to‘p surdik. Buni inkor etib bo‘lmaydi. Bejizga bu jamoa o‘tgan mavsumda 2-o‘rinni qo‘lga kiritmadi. Jamoamiz bilan o‘yinga jiddiy tayyorgarlik ko‘rgandik. Bahsda muxlislar bizga juda katta dalda bo‘lib turishdi. Buning uchun ularga rahmat deb qolaman.
“Neftchi” yomon o‘yin ko‘rsatmadi. Bugun rahbariyat tomonidan “Nasaf”ni mag‘lub etish vazifasi oldimizga qo‘yilgandi. Lekin durang natija ham yomon emas deb o‘ylayman. Jiddiy raqibga qarshi og‘ir o‘yin kechdi”, - dedi Po‘latov.
“Neftchi” matbuot xizmati
