"Paxtakor" - "So‘g‘diyona" uchrashuvidan keyingi matbuot anjumanida jamoa bosh murabbiyi o‘z fikrlarini bildirdi.

- Birinchi navbatda barchani yangi mavsum bilan tabriklayman. Superligani g‘alaba bilan boshlaganimiz quvonarli holat. Qiyin o‘yin o‘tkazdik. Ko‘proq vaziyatlar sodir etdik. "So‘g‘diyona"da birinchi bo‘limda xavfli bir zarba bo‘ldi. Ikkinchi bo‘limda ularga imkon bermadik.

Tanaffusda futbolchilarga oldingi chiziqda ko‘proq harakat qilish , hujum orqali raqibga ko‘proq bosim uyushtirishni aytdim. Mavsumni g‘alaba bilan boshlash juda muhim edi. Biz o‘yinni o‘zgartirdik va haqli g‘alabani qo‘lga kiritdik.

Abdurahimov ikkinchi bo‘limda juda yaxshi o‘ynadi. Hujumchi ortida u o‘zini yaxshi his qiladi.

Keyingi uchrashuv "Bunyodkor"ga qarshi bo‘ladi va unga jiddiy tayyorlanamiz. Raqibimiz yaxshi saviyada futbol namoyish etadigan jamoa sanaladi.