Germaniya terma jamoasi bosh murabbiyi Yoaxim Lyov Ispaniya (23 mart) va Braziliya (27 mart) ga qarshi o‘rtoqlik uchrashuvlarida maydonga tushishi mumkin bo‘lgan futbolchilar ro‘yxatini taqdim etdi.
Dortmundning “Borussiya” klubi hujumchisi Marko Roys yana jarohat sabab ro‘yxatdan tushurilib qoldirildi.
Eslatib o‘tamiz, Roys kecha Yevropa Ligasi doirasida “Red Bull”ga qarshi o‘yinda jarohatlangandi.
Darvozabonlar: Mark-Andre ter Stegen («Barselona»), Bernd Leno («Bayer»), Kevin Trapp («PSJ»)
Himoyachilar: Jerom Boateng, Mats Xummels, Yozua Kimmix, Niklas Zyule (barchasi – «Bavariya»), Yonas Xektor («Keln»), Mattias Ginter («Borussiya» Myonxengladbax), Antonio Ryudiger («Chelsi»), Marvin Plattenxardt («Gerta»);
Yarim himoyachilar: Toni Kroos («Real»), Mesut O‘zil («Arsenal»), Tomas Myuller, Sebastyan Rudi (ikkisi – «Bavariya»), Sami Xedira («Yuventus»), Emre Jan («Liverpul»), Yulian Draksler («PSJ»), Ilkay Gyundogan («Manchester Siti»), Yulian Brandt («Bayer»), Leon Goreska («Shalke»);
Hujumchilar: Mario Gomes («Shtutgart»), Leroy Sane («Manchester Siti»), Timo Verner («RB Leypsig»), Sandro Vagner («Bavariya»), Lars Shtindl («Borussiya» Myonxengladbax).
