Bugun, 17 mart kuni Superliganing 3-turidan o‘rin olgan markaziy uchrashuvlardan biri bo‘lib o‘tdi. Unda Namanganning “Navbahor” jamoasi Toshkentning “Lokomotiv” klubini qabul qildi va
Dastlab, burchakdan ko‘tarib berilgan to‘pni mehmonlarning tushunarsiz harakatlari evaziga Nenad Inyas bosh bilan darvozaga joylab qo‘ydi.
Keyinchalik ham muxlislar bilan to‘lgan stadionda bir qator hujumlar tashkil etildi. Ammo birinchi bo‘limda hisob boshqa ochilmadi. Ochig‘ini aytganda, bugun Namangan stadioni o‘z bag‘rig‘a 20 mingdan ziyodroq muxlisni sig‘dira oldi. Bir qancha muxlislar yangi o‘rnatilgan turniketlardan o‘ta olishmay, futbolni ko‘chada tomosha qilishga majbur bo‘lishdi.
Ikkinchi bo‘lim ham muxlislari tinimsiz qo‘llab-quvvatlab turgan “Navbahor”ning hujumi bilan boshlandi. Natijada 48-daqiqaga kelib, Ayubxon No‘monov “Lokomotiv” jarima maydonchasida chalib yiqitildi. Hakam esa bu vaziyatda mehmonlar darvozasi tomon penalti belgiladi va hisob 2:0 ko‘rinishiga yetdi. Gol muallifi —Azizbek Turg‘unboyev.
Shu hisob o‘yin yakuniga qadar o‘zgarmadi va “Navbahor” “Lokomotiv”ni 2:0 hisobida mag‘lub etdi.
Superliga. 3-tur.
“Navbahor” – “Lokomotiv” 2:0 (1:0)
Hakamlar: Z.Qodirov (Navoiy), R.Samandarov (Navoiy), O.Jumayev (Navoiy), A.Rahimov (Andijon).
Nazoratchi: A.Arutyunov (Toshkent).
Gollar: Nenad Inyas (21), Aziz Turg‘unboyev (48, penalti).
“Navbahor”: 1.Botirali Ergashev, 6.Oston O‘runov (15.Azamat Allaniyozov, 78), 8.Ayubxon No‘’monov, 10.Azizbek Turg‘unboyev, 12.Nenad Inyas (9.Dilshod Jabborov, 65), 19.Mirzohid G‘ofurov, 21.A’zam Aliyev, 24.Davron Hoshimov, 32.Jahongir Mehmonov, 33.Tomislav Payovich, 44.Darko Stanoyevich.
“Lokomotiv”: 1.Ignatiy Nesterov, 5.Kaxi Maxaradze, 7.Sadriddin Abdullayev, 9.Ikrom Aliboyev, 10.Marat Bikmayev, 15.Sardor Mirzayev, 20.Islom To‘xtaxo‘jayev, 22.Sanjar Shoahmedov (19.Husniddin G‘ofurov, 69), 27.Sardor Rashidov (6.Nivaldo, 54), 28.SHuhrat Muhammadiyev, 33.Oleg Zoteev.
Ogohlantirishlar: Kaxi Maxaradze 13, Davron Hoshimov 61, Islom To‘xtaxo‘jayev 82.
