O‘zbekiston olimpiya terma jamoasi 23 va 26 mart kunlari vodiyda Keniya olimpiya terma jamoasi bilan ikkita o‘rtoqlik o‘yini o‘tkazishi haqida avval xabar berib o‘tgandik.
Keniyalik futbolchilar 21 mart kuni tongda soat 07:30da Istambul orqali Toshkentga uchib kelishadi. Toshkent Xalqaro aeroportida keniyalik futbolchilarni kutib olish marosimi o‘tkaziladi. Yurtimizdagi barcha OAV xodimlari ushbu marosimda ishtirok etishlari mumkin. 21 kunining o‘zidayoq afrikalik futbolchilar Andijonga yo‘l olishadi.
23 mart kuni Andijondagi “Barkamol avlod” stadionida, 26 mart kuni esa Farg‘onadagi “Istiqlol” stadionida O‘zbekiston OTJ — Keniya OTJ o‘rtasida o‘rtoqlik o‘yinlari bo‘lib o‘tadi.
Avvalroq, O‘zbekiston olimpiya terma jamoasi bosh murabbiyi Keniyaga qarshi o‘rtoqlik o‘yinlari uchun tarkibga jalb qilingan futbolchilar ro‘yxati e’lon qilingandi. O‘zbekiston olimpiya terma jamoasi 20-21 mart kunlari Toshkentda yig‘in o‘tkazadi. Keyin esa Farg‘onaga yo‘l oladi.
